estratto da L'INFAME
anno di stesura | 2002
anno di stesura | 2002
personaggi | 1
"Nun è tanto checazza ‘a vita d’ ‘o camorrista: sempe sottencoppo, fuie ‘a ccà, fuie ‘a llà, spesse volte ai funerali d’ ‘e parienti accisi o degli affiliati, spesse volte nelle campagne umide a accidere nu povero cristo cchiù ‘e te, cocche vota in certi casolari scomodi e isolati ad aspettare che passa la bufera, e cioè ca coccheduno accide a chilli ca vonno accidere a te e a chilli ca s’ ‘a fanno cu tte.
‘O latitante, quanti vote aggio fatto ‘o latitante; e non latitante dalla legge, ma latitante dai clan avversari, che è pure peggio, pecché nun teneno ‘na divisa ca te ‘e fa’ riconoscere.
E po’ avivi sta’ sempe attiento, pure si s’asceva sulo a respira’ nu pocurillo l’aria
friccicarella ‘e Porta Capuana, quanno staie senza fa’ niente, tu e cocche cumpagno d’ ‘o Cardillo, chelli notti a cavallo d’ ‘e ‘muorti’, vicino a chella pizzeria ca ‘a sapeno pure all’America, chelli notti ca ‘e muschilli s’appizzano vicine a ‘e lampiuni e morono abbruciati d’ ‘a luce senza ‘e se n’adduna’.
Ma ‘e palomme no, chelle so’ intelligenti, volano basso e se fanno guarda’.
Cierti notti, dotto’, ca ll’aria era bella ‘o principio ‘e nuvembre, i’ me perdevo a vede’ cu ll’uocchie fisse fisse comme vola ‘na palomma ‘e chelle, una co’ tutt’ ‘e culure suoie, ca parono ‘na pittura pittata ‘e ‘nu pittore famoso.
Mi divertivo a seguirla con le mani nell’aria, cercando di farla appoggiare qui, vedite, miezo a' ‘e mani, comme fosse ‘nu siggione delicato fatto apposta pe’ essa.
Pure chelli notti, s’aveva sta’ cu tanto d’uocchie arapute: ‘na faccia cchiù traseticcia e furastiera faceva scatta’ l’allarme, dduie machinuni sconosciuti facevano appripara’ ‘na nuttata ‘e guerra.
S’accuminciavano a vede’ movimenti veloci e silenziosi di uomini e ragazzi ca se passavano ‘na voce, ‘sta voce se trasfurmava in appustiamienti, sguarde ‘ncancrenute, facce tagliate, pareva ‘e sta’ ‘ncoppo a ‘nu tiatro.
Nuie e lloro.
E mentre lloro, tutte quante, ‘e nuoste e chill’ati, pazziaveno a fa’ ‘e pparti ‘e chi sta ‘nguerra, i’ zumpettiavo e m’avutavo appriesso a ‘sta palomma ca vulava e fuieva, e me faceva suda’ e sicca’ tutt‘o cannarone, sicché avev’ha vevere comme a ‘nu criaturo.
Ih, ca sete me facette veni’, chella palomma pittata.
Dotto’ chella, ’a palomma, nun s’appuiava ‘ncoppo ‘o siggione, pecché era sbarazzina e po’ pecché ll’animali so’ intelligenti, ‘o senteno quanno ce sta aria ‘e tempesta.
E difatti, sempe chelli notti quanno se sta senza fa’ niente, bell’e buono succedeva ‘o putipù: chilli dduie machinuni s’apparentaveno c’ ‘o guaglione traseticcio e furastiero e apparaveno ‘na paranza ‘e morte ca sistematicamente criava ‘o burdello.
Oilloco oì, mò s’accappotta ‘o munno.
Dotto’, credite a me, nun se pò fa’ ‘a vita d’ ‘o camurrista si nun tiene tante d’uocchie, pecché fernisci muorto prima ancora ‘e capi’ ca si’ nato."
‘O latitante, quanti vote aggio fatto ‘o latitante; e non latitante dalla legge, ma latitante dai clan avversari, che è pure peggio, pecché nun teneno ‘na divisa ca te ‘e fa’ riconoscere.
E po’ avivi sta’ sempe attiento, pure si s’asceva sulo a respira’ nu pocurillo l’aria
friccicarella ‘e Porta Capuana, quanno staie senza fa’ niente, tu e cocche cumpagno d’ ‘o Cardillo, chelli notti a cavallo d’ ‘e ‘muorti’, vicino a chella pizzeria ca ‘a sapeno pure all’America, chelli notti ca ‘e muschilli s’appizzano vicine a ‘e lampiuni e morono abbruciati d’ ‘a luce senza ‘e se n’adduna’.
Ma ‘e palomme no, chelle so’ intelligenti, volano basso e se fanno guarda’.
Cierti notti, dotto’, ca ll’aria era bella ‘o principio ‘e nuvembre, i’ me perdevo a vede’ cu ll’uocchie fisse fisse comme vola ‘na palomma ‘e chelle, una co’ tutt’ ‘e culure suoie, ca parono ‘na pittura pittata ‘e ‘nu pittore famoso.
Mi divertivo a seguirla con le mani nell’aria, cercando di farla appoggiare qui, vedite, miezo a' ‘e mani, comme fosse ‘nu siggione delicato fatto apposta pe’ essa.
Pure chelli notti, s’aveva sta’ cu tanto d’uocchie arapute: ‘na faccia cchiù traseticcia e furastiera faceva scatta’ l’allarme, dduie machinuni sconosciuti facevano appripara’ ‘na nuttata ‘e guerra.
S’accuminciavano a vede’ movimenti veloci e silenziosi di uomini e ragazzi ca se passavano ‘na voce, ‘sta voce se trasfurmava in appustiamienti, sguarde ‘ncancrenute, facce tagliate, pareva ‘e sta’ ‘ncoppo a ‘nu tiatro.
Nuie e lloro.
E mentre lloro, tutte quante, ‘e nuoste e chill’ati, pazziaveno a fa’ ‘e pparti ‘e chi sta ‘nguerra, i’ zumpettiavo e m’avutavo appriesso a ‘sta palomma ca vulava e fuieva, e me faceva suda’ e sicca’ tutt‘o cannarone, sicché avev’ha vevere comme a ‘nu criaturo.
Ih, ca sete me facette veni’, chella palomma pittata.
Dotto’ chella, ’a palomma, nun s’appuiava ‘ncoppo ‘o siggione, pecché era sbarazzina e po’ pecché ll’animali so’ intelligenti, ‘o senteno quanno ce sta aria ‘e tempesta.
E difatti, sempe chelli notti quanno se sta senza fa’ niente, bell’e buono succedeva ‘o putipù: chilli dduie machinuni s’apparentaveno c’ ‘o guaglione traseticcio e furastiero e apparaveno ‘na paranza ‘e morte ca sistematicamente criava ‘o burdello.
Oilloco oì, mò s’accappotta ‘o munno.
Dotto’, credite a me, nun se pò fa’ ‘a vita d’ ‘o camurrista si nun tiene tante d’uocchie, pecché fernisci muorto prima ancora ‘e capi’ ca si’ nato."
Dietro le quinte
